Scary Jinn Story – Hospital ke Jinn ki Kahani, Raungte Khade Kar Degi

Kai log aksar ye sochte hai ki kya sach me jinn hote hai. Main agar batau to mujhe lagta hai ki Yes vakai me jinn hote hai lekin kai log jinn ya bhoot par vishvas nahi karte. Khair main aapko ek aisi jinn story sunane jaa raha huu jo mere dost Vinay ke saath hui thi.

Mera naam Shubham hai aur hum 4 bahut pakke dost hai. Main, Vinay, Rakesh aur Karan. Hum Delhi ke JJ Colony me rehte hai. Ye us din ki baat hai jis din Rakesh ke ghar koi nahi tha, uske gharwale kahi baahar gaye huye the aur hum charo dost Rakesh ke ghar me sone chale gaye.

Ab sabhi dost mil gaye the to itni jaldi neend to aani nahi thi isliye humne kuch alag karne ki sochi. Hum sabhi dosto me Vinay hai jo sabse bahadur hai aur us din humne Vinay ko ek purane makaan me jaane ke liye kaha jo ki haunted tha. Wo makaan toota foota tha aur haunted tha. Us makaan ki taraf aaj tak koi nahi gaya tha. Aas paas ke log kehte the ki is makaan me do buri aatmayen rehti hai.

Jinn Story

Humne Vinay ko kaha ki agar himmat hai to us makaan me jaa kar dikhaye. Vinay ko in sab baato par vishvas nahi tha aur isliye wo vaha jaane ke liye ready ho gaya. Vinay kareeb 30 minute tak us makaan ke andar raha aur jab vaha se baahar aaya to wo bina kuch kahe bed par let gaya aur so gaya. Hum dosto ne uska bahut mazaak udaya aur socha ki shayad wo darr gaya hai.

Subah hui aur Vinay ke gharwale aa gaye. Vinay abhi bhi soya hua tha lekin hum teeno dost uske ghar se chale gaye. Vinay ki maa ne use use uthaya to wo chup chap uth gaya aur jab wo ready hokar nashte ki table par aaya to Vinay ki maa ne dekha ki usne aankho me kaajal lagaya hua tha. Vinay ki maa ne use poocha ki ye kajal kyu lagaya hai to usne kaha yun hi lagaya hai.

jinn story

Jinn Story

Khane ki table par aa kar Vinay ne dekha ki paranthe bane huye the jo ki use bahut pasand the lekin Vinay ne apni Maa ko aawaz lagayi aur kaha ki use Omlette khana hai. Ye sun kar Vinay ki maa ke hosh ud gaye kyunki wo vegetarian the aur Vinay ko ande se sakht nafrat hai. Vinay ki maa ne use daanta aur kaha ki ye kya bak rahe ho. Vinay ne khana chod diya aur wo ghar se chala gaya.

Jinn Story

Jab Vinay apne dosto se mila to bahut ajeeb tarah pesh aa raha tha. Wo kabhi kisi aadmi ki aawaz me baat karta to kabhi aurat ki aawaz me. Ye dekh kar Vinay ke sabhi dost thoda ghabra gaye the. Isliye Rakesh ne jaakar raat ki poori baat Vinay ki maa ko bata di.

Ab raat ho chuki thi lekin Vinay ghar nahi aaya. Raat ke kareeb 10 baje jab Vinay ghar aaya to sharaab pee kar aaya jabki Vinay ne kabhi sharaab ko haath tak nahi lagaya tha. Vinay ne ghar jaa kar pehle aadmi ki aawaz me apni maa ko kaha “suno…mujhe aaj mutton korma khana hai”. Fir usne aurat ki aawaz me kaha “mutton korma nahi, mujhe Bhindi ki sabzi khani hai”. Sirf yahi nahi, Vinay kabhi aadmi ki harkate karta tha aur kabhi aurat ki.

Jinn Story

Vinay ki maa ne aav dekha na taav, fauran ek baba ko ghar le aayi aur fir pooja shuru kar di. Wo samajh gayi thi ki Vinay ke andar jinn ya koi buri aatma aa gayi hai. Pandit ji ne jab Vinay ko theek se dekha to wo samajh gaye ki Vinay ke andar ek nahi 2 jinn ki aatma hai, ek aadmi aur ek aurat ki.

Vinay jis purane makaan me gaya tha vaha pati patni rehte the jinhone love marriage ki thi lekin ladki ke bhai ko is shadi se aitraz tha aur isliye usne dono ko zinda jala diya tha. Tab se un pati patni ki aatma usi makaan me bhatakti thi lekin jab Vinay us makaan me gaya to un dono aatmaye Vinay ke sharer me pravesh kar gayi.

Jinn Story

Jo pati ki aatma thi wo apne pati ke bhai se badla lena chahti thi lekin patni use hamesha rokti thi. Bus isiliye Vinay kabhi aurat ki aawaz nikalta tha to kabhi mard ki. Vinay ki maa ne puja karvai tab ja kar Vinay ka sharer un dono ki aatmao se mukt ho saka varna agar der ho jati to Vinay se kuch aisa ho jaata jo kabhi nahi hona chahiye tha.

Dosto, is sansar me agar devta hai to jinn ya bhoot jaisi cheeze bhi hoti hai lekin wo aam insaan ko pareshaan nahi karti. Magar hum unhe pareshan ya kudrat ke vipreet jaakar unhe challenge karenge to aisi unhoni ho sakti hai. Isliye, kudrat ki banayi kisi bhi cheez ko challenge mat kare, uska galat parinaam bhi ho sakta hai. Ye Jinn Story humne isiliye likhi hai taki aap saavdhan rahe aur bhoolkar bhi kudrat ke khilaaf na jaaye.

Vineet

नमस्ते। मुझे नयी कहानियां लिखना और सुनना अच्छा लगता है. मैं भीड़-भाड़ से दूर एक शांत शहर धर्मशाला (H.P) में रहता हूँ जहाँ मुझे हर रोज़ नयी कहानियां देखने को मिलती है. बस उन्ही कहानियों को मैं आपके समक्ष रख देता हूँ. आप भी इस वेबसाइट से जुड़ कर अपनी कहानी पब्लिश कर सकते है. Like us on Facebook.

You may also like...