Hindi Tips for New Bloggers – Ye 4 Tips Zarur Pata Hone Chahiye

Hindi Tips for New Bloggers – Ye 4 Tips Zarur Pata Hone Chahiye

Jab bhi koi new website par kaam karna shuru karta hai to beginning me bahut problems hoti hai. New website ko search engines me visibility dilane ke liye kai blogs likhne padte hai aur jab results na mile to aur bhi zyada frustration hoti hai.

Har koi chahta hai ki uski website par high traffic aaye aur uske blogs zyada se zyada share ho lekin sunne me ye jitna aasan hai, practically utna aasan nahi. New website ko beginning me ranking dilvane ke liye kaafi mehanat lagti hai.

New Website ko Successful Banane me Log Fail Kyu Ho Jaate Hai?

Maine kai baar dekha hai ki log new website ko ek successful business banana me fail ho jaate hai. Aisa zyadatar tab hota hai jab log blogging aur online marketing ke basic ko dhyan me rakh kar blogging nahi karte. Kai log apne new website se paisa kamaane ke chakkar me apni website niche se hat kar blogs likhna shuru kar dete hai aur fir jab unke wo blogs rank nahi karte to frustrate ho jaate hai.

Blogging ke basic fundamentals yaad rakhiye aur isi ke bare me hum aapko batane ja rahe hai. Hum aapke liye laaye hai 5 aise tips jo ek website ko success banana me kabhi fail nahi huye.

Tip #1 – Niche par Focus Rahiye

New website raato raat success nahi ho jaati. Maine kai baar dekha hai ki new website owners apni niche ya topic se hat kar blogging shuru kar dete hai jo bilkul galat hai. Agar aap Google se traffic chahte ho to ek niche par acche se blogs likho.

For example, agar aapki Shayari related website hai to sirf Shayari par likhe. Shayari niche me kai topics hote hai cover karne ke liye jaise dard par shayari, sharab par shayari, chehra par shayari, cuteness par shayari, hontho par shayari etc. Har topic ko cover kare, isse Google ki nazro me aap ek Authority website ban jaoge aur aapko ranking milni shuru ho jaayegi.

Maine dekhe hai ki zyadatar log hafte me ek ya do blogs hi likhte hai but agar aapko new website ki ranking badhani hai to din me kam se kam ek ya do blogs zarur likhe.

Hamesha yaad rakhe ki content is still a KING. Energy aur poore josh ke saath blogging kare, jaldi hi aapko traffic milna shuru ho jaayega.

Tip #2 – Blog Quality par Khaas Dhyan De

Agar aap blogging ko ek business banana chahte hai to quality par sabse zyada dhyan de. Aapka content read karna easy hona chahiye aur kam se kam 600 words ka blog hona chahiye.

Apne blog me images use kare aur ho sake to video bhi zarur dale. Google ko lagna chahiye ki koi professional ye blog chala raha hai. Agar aapke blog ki quality acchi hogi to zyada se zyada log aapko links denge. Is tarah aapko natural backlinks mil jaayenge jo search engine ranking ke liye bahut accha hota hai.

Agar aapka blog image search me bhi rank karta hai to wo plus point hoga. Internal linking acche se kare aur agar external links laga rahe hai to us link ki quality ko confirm zarur kar le.

Tip #3 – Website Visitors Ka Behaviour

Aapka content bahut engaging hona chahiye kyunki ye ek search engine ranking factor hai. Aapko apna blog ka design, content aur links is tarah plan karne padenge ki visitor jaldi site se na jaaye.

Agar visitors 20 second ya 30 seconds me website se exit kar leta hai to iska matlab ki aapki website engaging nahi hai. Aur agar aapki website engaging na ho to iska seedha asar aapki earning par hoga. Apni website me attractive images use kare ya videos ka istemaal kare.

Apne social media ke links bilkul clear display kare taki website visitor aapke blogs ke saath juda rahe.

Basically, visitor jo information lene aapki website par aaya tha, wo jaankari use milni chahiye. Agar wo information use nahi milegi to dobara wo kabhi aapki site par nahi aayega. 

Hindi tips for bloggers image

Tip #4 – Authority ko Improve Kare

Authority improve karne se matlab hai ki apni niche par zyada se zyada content likhe. Aapke content se pata lagna chahiye ki aapko is topic par poori jaankari hai.

Agar aap apni niche me expert honge to aapki site par traffic zarur aayega aur har koi aapki post ko SHARE karna chahega. Aap apni website ki authority establish kar sakte ho lekin isme thoda waqt lag sakta hai. Kam se kam 1 saal passionately blogging kijiye, badhiya content daaliye aur fir ek ya 1.5 years ke baad aap apni niche me expert ho jaoge.

Read More:

Agar aapke kai social media pages hai aur kaafi zyada fan following hai to aap badi jaldi apni authority establish kar sakte hai lekin agar aap apna website traffic sirf Google search se le rahe hai to authority banana me time lagega.

So, friends agar aapki new website hai to ye 4 tips ko hamesha yaad rakhe. Aapki ranking bhi boost hogi aur aapka brand bhi build hoga.

Vineet

नमस्ते। मुझे नयी कहानियां लिखना और सुनना अच्छा लगता है. मैं भीड़-भाड़ से दूर एक शांत शहर धर्मशाला (H.P) में रहता हूँ जहाँ मुझे हर रोज़ नयी कहानियां देखने को मिलती है. बस उन्ही कहानियों को मैं आपके समक्ष रख देता हूँ. आप भी इस वेबसाइट से जुड़ कर अपनी कहानी पब्लिश कर सकते है. Like us on Facebook.

You may also like...

वेबसाइट देखने के लिए शुक्रिया, शेयर ज़रूर करे !