Kuch Ladko ki Soch Ladkiyo ke Liye Kabhi Nahi Badal Sakti

Submitted by Garima Kashyap

Boys chahe jitna bhi kahe ki wo broadminded hai lekin kahi na kahi ladko ki soch ladkiyo ke liye kabhi nahi badal sakti. Is post ke zariye hum aapko batayenge ki aaj kal ke zyadatar ladke ladkiyo ke baare me kya sochte hai. Obviously, ye sab ladko ke liye nahi hai lekin zyadatar ladke aisa hi sochte hai.

ladke ladkiyo ke baare me kya sochte hai

Girls ko kuch nahi aata jaata

Aajkal bhi kai ladko ki soch ladkiyo ke liye ye hai ki girls ko kuch nahi aata jaata ya unhe duniya ki koi zyada jaankari nahi. For example, kai ladko ko lagta hai ki girls kabhi high tech gadgets acche se use nahi kar sakti ya fir ve video games nahi khel sakti. Aise ladko ki soch alag nahi balki galat hai. Isse pata chalta hai ki zyadatar ladke ladkiyo ke baare me kya sochte hai?

Girls ladko se Intelligent nahi ho sakti

Aaj bhi kai ladke ye samajhte hai ki girls ladko se zyada intelligent nahi ho sakti lekin unhe har baar koi na koi example dekar prove karna padta hai. Aajkal ki girls ladko se brabar hai aur hamesha rahengi.

Girls ko hamesha Boys ki zarurat hoti hai

Zyadatar ladko ki soch ladkiyo ke liye ye hai ki girls ko boys ki zarurat zyada hoti hai. Chahe marriage ho ya koi love affair, boys hamesha girl se oopar rehna chahte hai. Zyadatar boys ko lagta hai ki girls unse marriage sirf isliye karti hai taki unhe protection aur life support mil sake lekin ye bilkul galat hai. Aajkal ki girls independent hai aur wo apne faisle khud le sakti hai.

Girls hamesha attention pane ki koshish karti hai

Ho sakta hai ki kai girls attention pane ki koshish karti ho lekin sabhi girls nahi karti. India jaise desh me jahan boys ko zyada privilege milta hai, agar koi girl attention pane ke liye kuch karti hai to isme koi burai nahi.

Girls hamesha apne boyfriend se commitment chahti hai

Obviously, girls apne boyfriend se relationship me commitment chahti hai lekin unhe pata hota hai ki kaun committed hai aur kaun commitment nahi kar sakta. Har ladki apni life me stability chahti hai aur wo ye bhi chahti hai ki unka boyfriend ya husband unke saath loyal rahe aur isme koi burai nahi.

Jin ladko ki soch ladkiyo ke liye aisi hai unhe thoda relax hone ki zarurat hai kyunki har girl ki apni shaksiyat aur nature hoti hai. Agar kuch girls ki vajah se boys ne aisi thinking aur mindset bana liya hai to ye bilkul galat hai.

Friends ab aapko idea ho gaya hoga ki zyadatar ladke ladkiyo ke baare me kya sochte hai ! Agar ye post acchi lagi ho to Share karna na bhule.

Thank You

Garima Kashyap

Submit Your Story

You may also like...

Leave a Reply

Your email address will not be published. Required fields are marked *

बिना परमिशन कॉपी नहीं कर सकते